تحديثات
بحث سريع
بحث سريع في الأخبار :

هم الشباب للممات … اول ما سمعت ستي انه امي حامل بولد اكتئبت !

#هم_الشباب_للممات اول ما سمعت ستي انه امي حامل بولد اكتئبت وصارت تحكيلها الله يعوض عليكي وعالطالعة والنازلة كانت تسمعها حكي...
Review: 5 - "هم الشباب للممات … اول ما سمعت ستي انه امي حامل بولد اكتئبت !" by , written on 11-09-2017
#هم_الشباب_للممات اول ما سمعت ستي انه امي حامل بولد اكتئبت وصارت تحكيلها الله يعوض عليكي وعالطالعة والنازلة كانت تسمعها حكي...
هم الشباب للممات ... اول ما سمعت ستي انه امي حامل بولد اكتئبت !  "/> ">
نبض الوطن
نبض الوطن :

#هم_الشباب_للممات

اول ما سمعت ستي انه امي حامل بولد اكتئبت وصارت تحكيلها الله يعوض عليكي وعالطالعة والنازلة كانت تسمعها حكي هيك امي حكتلي …

يوم ما ولدتني ابوي كان مكشر، وسلفات امي صاروا يعايروها ويحكولها ام الولاد ، لانه كل وحدة فيهم عندها 5 بنات واكثر !
اول ما كبرت وكان لازم افوت الروضة، قالتلي امي ادير بالي من البنات لانهن زنخات، كنت اروح واخاف انضرب ، واروح مكسور خاطري اذا وقعت !

وكبرت، وفتت المدرسة، كان لازم اختي توصلني كل يوم عشان ما يتحرشوا فيني البنات، ولانه ابوي بخاف علي، وامي تقضيها تعليمات مش اذا بنت حكتلك تعال اخدك مشوار تصدقها، اذا شفت بنت لاحقتك اركض بسرعة….

بالمرحلة الثانوية، صحابي كلهم اتعرفوا عبنات، بس انا اهلي شديدين، حكولي اذا بتتعرف عبنت بدنا ندبحك، ونغسل عارنا ، كنت اضل ماشي من الحيط للحيط، وما البس لبس مغري والوان فاتحة، غير هيك شعري اغطي بطاقية ، لحتى ما تتحرش فييني بنت، ومع هيك مسلمتش من الموضوع ، كان في بنت تضل لاحقتني وتسمعني حكي، وبلشت اتعلق فيها، صرت احكي معها بالسر بالليل، مرة امي سمعتني وانا احكي، فاتت عالغرفة وبلشت فيي الله يخزيك يدك تفضحنا

قلتلها ما هيها اختي بتحكي مع شباب، قالتلي هي عادي بنت مش مثلك شب!
طيب يما اختي كيف بتتسلا بالشباب مش خايفة علي !
بعدها اكتشتفت انها البنت بتتسلى معي تسلاي، وحكتلي مش مستعدة تخطبني مثل ما حكيت معها رح احكي مع غيرها. وانا انكسر قلبي ، وحسيت انه سمعتي صارت بالارض لانه الكل عرف بقصتي معها وصرت ااخاف اطلع وامي حكتلي ممنوع تفوت جامعة ورح نزوجك اول بنت بتطلبك

مرة بحفلة عيد ميلاد صاحبي، كان متأخر امي مخلتنيش اروح ، ضليت اعيط طول الليلة، قالتلي شو بعرفك يمكن عندها خوات بنات وفش امان، بنفس الوقت اختي كانت معزوومة عحفلة ومليانة شباب عادي

زوجوني لاول بنت بتطلبني؛ البنت بالبداية كانت منيحة معي بس بعد تغيرت، صارت تتأخر بالليل، واحيانا اشم ريحة عطر رجالي عليها، وبتضل تحكي مع شباب قدامي وامي تحكيلي اتحمل عشان ولادكم ، بدك تفضحنا وتتطلق ، ويصير اسمك مطلق …

بالاخر فقعت معي بطلت اتحملها، بتضربني وبتهيني، وولاد حماي بسمعوني كلام عالطالعة والنازلة قال انا خلفتي كلها ولاد ، ولازم مرتي تطلقني وتتزوج واحد ثاني !
اطلقت، صاروا اهلي يمنعوني اطلع من البيت، صار ابوي كل ما اروح مكان انت هسا مطلق والعيون عليك، فش تتأخر وكتموا عنفسي ، وهيني عايش لحالي ونفسيتي تعبانة …..

حسيتوا الاشي صعب، ما قدرتوا تتقبلوا، هو شو بفرق الشب عن البنت، شفتوا ما اصعب شعور الخوف من التحرش، شعور انه اهلك دايما خايفين عليك، ودائما خايف من المجتمع وكلمة وحدة بتنهيي مستقبلك، يريت لو نعامل الانثى عاساس انها انسانة الها كيانها وشخصيتها ومش مستباحة للتحرش ورمي الحكي وبعرف في بنات ماخدات حريتهن زيادة بس انا بحكي عن البعض

من ارشيف 2016
#هديل_قاسم

الكلمات المفتاحية : #هديل القاسم

Send this to a friend