تحديثات
بحث سريع
بحث سريع في الأخبار :

اليوم عرس أختي الوحيدة … صحينا الصبح على صوتها وهي قايمة القيامة وبتضبضب بأغراضها

صحينا الصبح على صوتها وهي قايمة القيامة وبتضبضب بأغراضها ، انا طبعا صحيت أصرخ ولك اخيرا رح نخلص منك ومن...
Review: 5 - "اليوم عرس أختي الوحيدة … صحينا الصبح على صوتها وهي قايمة القيامة وبتضبضب بأغراضها" by , written on 13-09-2017
صحينا الصبح على صوتها وهي قايمة القيامة وبتضبضب بأغراضها ، انا طبعا صحيت أصرخ ولك اخيرا رح نخلص منك ومن...
اليوم عرس أختي الوحيدة ... صحينا الصبح على صوتها وهي قايمة القيامة وبتضبضب بأغراضها  "/> ">
نبض الوطن
نبض الوطن :

صحينا الصبح على وهي قايمة وبتضبضب بأغراضها ، انا طبعا صحيت أصرخ ولك اخيرا رح نخلص منك ومن نقك

… ورح نرتاح منك …
هون هي طبعا بكل عصبيتها حكتلي انا اللي رح اخلص منك ومن همك
اجت امي علينا شو مالكن ! شو في؟
مالو صواتكن طالعة …
ردت اختي هاي بنتك مو مصدقة اطلع من هون مستقلعة مش قادرة تتحملني اليوم !
امي صرخت علي وحكتلي بدل ما تقومي تساعديها، قاعدة بتتأففي منها، وبهدلتني بهدلة مرتبة … .
انا طبعا صرت اعيط….
اطلعت امي علي مالك زي الصغار بتعيطي …
واختي تحكي شوفو الغبية ….
بهاي اللحظة تخيلت اختي اللي مرافقتني بغرفتي من ٢٢ سنة ، اختي الصغيرة اللي بحبها كثير، وكنت اغار منها احيانا!
مكنتش متخيلة بيوم تيجي هاللحظة ، اللي رح اودعها فيها ، وتسافر كمان على بلد ثانية …
بتذكر اول ما تقدملها خطيبها، رفضت مشاني، وقالت بالأول اختي الكبيرة تخطب، بس انا يومها ضربتها عكتفها وحكتلها لساتني مطولة بدي اخلص ماستر …
وفرحتلها كتير انه شافته مناسب وخاصة انها بتحبه وبحبها!
وبتذكر ليلتها كيف فاتت تحكي عندي عالغرفة معه، بس لاقتني صاحية طلعت، لحقتها وقلتلها مالك ؟
قالتلي خايفة تتحسسي
ضحكت وحكتلها بلا هبلك. ..
اختي اللي انا بالصف الثالث كانت هي بالصف الأول، وامي وصتني عليها لانها بريئة كثير، وانا وقتها حسيت اني كبيرة ومسؤولة عنها ومسكت بإيدها بالطريق ومسحت دمعتها لما شفتها بتعيط، واعطيتها نص مصروفي يومها عشان تنبسط …

ولما اول ايام بالمدرسة ضربتها بنت كيف رحت افزع عنها ونضربت انا وياها وروحنا لأمي حالتنا حالة..
هون قطع افكاري اخوي بحكيلي مالك صافنة بالحيط.، يلا قمن جهزن حالكن بدي الحق اخدكن عالصالون، اطلعت فيي اختي وحكت بديش اروح معها مصبحة من الصبح تتفشش …

هون اطلعت فيها هديك النظرة وقلتلها اه روحي لحالك الحمد لله رح نرتاح اليوم ….
طبعا طلعت من الغرفة زعلانة ، وامي تحكيلي بعدين معك هيك زعلتيها اليوم …
انا حسيت بالذنب ، طلعت عالصالون بدي اراضيها لقيتها حاملة صورتي انا وياها واحنا صغار؛ كان يومها حفل تكريمها بصف أول ؛ وصار معها جدري وصارت تعيط؛ بس انايومها رحت معها؛ ومسكت بايدها وتصورت وجدرت بعدها بكم يوم!
وصورتنا كانت نهفة. .
وبتعيط ،حضنتها وقالتلي وين بدي الاقي اخت حنونة اكثر منك تجدر مشاني!
نزلت دمعتي وقلتلها يا رب زوجك يعوضك …
خلصنا عياك ورحنا عالصالون، طلعت مثل الملكة، وبعرسها كان لازم نرقص رقصة انا وياها. ..
بس انا ما قدرت اتحمل وصرت اعيط ، خفت اخرب فرحتها؛ رحت لبعيد وقعدت عجنب، كنت شايفتها بتدور عشي؛ اجتني وحدة وحكتلي يخالتي الله يبعتلك ابن الحلال مفكرتني بعيط عشان هي تزوجت قبلي، زدت عياط وقلتلها ولا عمركم رح تفهموا انه هاي قطعة من قلبي!
خلص العرس وودعناها؛ وهي طالعة مع عريسها حقدت علي حسيت انه اخد شي غالي مني؛ كنت اعيط ومش قادرة اوقف، خلص يعني هيك رح تبطل معي بنفس البيت، ومر قدامي كل مواقفنا مع بعض من هبل ، نكت، نكد، زعل، وكلشي ….
روحت عالبيت، شفتها بكل مكان في، ومع كل خطوة كنت اعيط اكثر ، حتى امي ما فهمتني واجت تحكيلي بكرا بيجي نصيبك لا تخافي !
بس يما انا بعيط على شريكة اسراري؛ على اختي دلوعتي؛ على البنت الي حسيت اني مسؤولة عنها من اول يوم!
قالتلي هاي سنة الحياة ….
بعد فترة بعتتلي اختي، انا مشتاقتلك كتير هون حاسة حالي وحيدة!
قلتلها وانا حاسة اني وحيدة لانك بعيدة عني …
سكرت معها وصرت احكي الله ياخد الغربة الي بتاخد اغلى منا؛
اجت امي عالغرفة ولاقتني بعيط خكتلي مالك
قلتلها الدنيا مش عادلة اخدت اغلى شي عندي يريتها ترجع وتجنني !
اذا عندك اخت استمتعي قد ما تقدري معها، اعملوا كلشي بحياتكم سوا؛ اتهبلوا اطلعوا ولا تعتبري حدا مثلها لانه اغلى منها ما رح تلاقي

الكلمات المفتاحية : #أختي #أغراضها #القيامة #صوتها #عرس

Send this to a friend