تحديثات
بحث سريع
بحث سريع في الأخبار :

بدك تحبي حبي بس ما تجهزي حالك بعده لطقوس الانتحار ..

يلا يا قلبي يلا يا غبي يلا يا اهبل وقف عن النبض، يلا خلصني من هالحياة.... اتصل علي اليوم ليحكيلي...
Review: 5 - "بدك تحبي حبي بس ما تجهزي حالك بعده لطقوس الانتحار .." by , written on 11-02-2018
يلا يا قلبي يلا يا غبي يلا يا اهبل وقف عن النبض، يلا خلصني من هالحياة.... اتصل علي اليوم ليحكيلي...
بدك تحبي حبي بس ما تجهزي حالك بعده لطقوس الانتحار ..  "/> ">
نبض الوطن
نبض الوطن :

يلا يا قلبي
يلا يا غبي
يلا يا اهبل
وقف عن النبض، يلا خلصني من هالحياة….

اتصل علي اليوم ليحكيلي بلاش تنصدمي اليوم خطبتي وسكر التلفون …
انا بهاللحظة فقدت شعوري اتجاه كل شي، مر شريط ذكرياتي معه من لما حبيته، دخت وصارت الأرض تلف فيي …
جيت اوقف والدمعة واقفة بعيوني، ما قدرت اوقف حسيت بثقل مش طبيعي برجلي حسيت انه في اشي ضاغط عليهم.

رجعت قعدت محلي، غمضت عيوني وحكيت حسبي الله ونعم الوكيل، طلعت غصة مني وخنقة خلتني أنفجر من العياط !
صار كل شي قدامي غريب، الحقيقة شو هي؟

كل الناس اللي حوالي كانوا شايفينها الا انا، كانوا عارفين وشايفين انه بكذب انا الوحيدة الي ما كنتش شايفة
كنت بحبه ومعمي علي قلبي….
مسكت جوالي وكتبت وصيتي، قررت أنتحر خلص ….

حسيت للحظة اني خسرت كل شي، خسرت حياتي، خسرت ثقتي بالناس؛ وخسرت كل شي الي ….
بعد ما خلصت رميت التلفون على جنب، اخدت نفس عميق، غمضت عيوني واستسلمت للموت!
يلا يا قلبي
يلا يا غبي
يلا يا اهبل
وقف عن النبض، يلا خلصني من هالحياة….
كان يومها صعب علي كثير، توقعت ما اوقف بعده، حسيت الدنيا سودا، واني غبية ومضحوك علي ، خاصة انه كل شي حواالي صار يظهر!
كيف لما يبعد ويتحجج بشغلات كذب!
كيف دائما يبين حاله تعبان وزهقان، ومنكد …

وهلئ مكيف عشان خاطب …
حسيت اني ضيعت عمري معه، كلهم ٣ سنين بس عمر وضاع!
صحيت الصبح، شفته منزل انه هو وبنت خاطبين، بدل ما اعيط صرت اضحك!
اه بالزبط هي مناسبة لإله ، بتشبهه، هاي اللي رح تاخدلي حقي منه، الللي رح تعمل في العجب، لانه ربنا سامع وعارف انه ظلمني….

لبست وتمكيجت وطلعت عند صاحبتي، ضليت اعيطلها طول اليوم…. قلتلها انا وقعت ومش رح اوقف
مسكت بإيدي وقالتلي رح توقفي … صدقيني رح توقفي وتصيري اقوى ….

اليوم بعد ٥ سنين من هالحكي، تذكرت اللي صار، لما كنت بالمحكمة وشفته واقف هو ومرته بدهم يطلقوا!
فركت عيوني لاتأكد وين شايفته … اه هو نفسه…

كان مبين علي تعبان كثير والهموم فوق راسه، حسيته كبران مليون سنة، وكل شي في متغير، دخلوا لعند القاضي وطلعوا، مرته زغرتت انها خلصت منه ….
وانا صافنة وبحكي ولاااي الدنيا شو صغيرة، الحمد لله انه ما تزوجته ….

اجا زوجي ومسك اييدي وقلي بشو سرحانة؟
قلتله بالدنيا …
قلي مالها …
قلتله غريبة ، بتكسرنا وبتجبرنا …
قلي اه صح انا بجبرك
ضحكت وقلتله لك انت احلى هدية الي …
احكيلي شو صار كسبت القضية؟
قلي اه قدرت اطلقها اخيرا منه …. جد انه واحد حقير …

مين ؟
شايفة هاي المرى … هاد كان زوجها … ورافعة علي قضية طلاق ! والحمد لله كسبناها … اهله عملوا العجب فيها وهو معجب عليها ….
سمعت صوت مرته بتحكي الخاين طول عمره خاين، الحمد لله خلصت منه ومن قرفه ! الله ينتقم منه ….
اما هو كاين يحكي كانت تكون معي وتفكر بغيري، نخدعت فيها !
بعرفش ليش صرت اعيط، حكيت سبحانك يا ربي ما اكرمك، خليتني اعيش هاللحظة اللي تورجيني فيها كيف كان بعده عني خير لالي، وكيف زوجي هو الي استلم هالقضية …
قلتله بتحبني؟

قلي : بدون ما احكي عيوني بتجاوب …
وجد أصدق من هالعيون المليانين حب ما شفت بحياتي.
الحب الحلال ، مع شخص بستاهلك وبحبك مش يتسلى فيكي مع شخص مقدرك …

ولا تخافي اذا بيوم من الايام ظلمتي حالك وحبيتي ، وخيبلك املك وجرحك رح تلف الايام وتدور وتشوفي بموقف صعب كثير يشفي غلليلك بس رح تكوني وقتها قوية وما رح تنتبهي لاله اصلا
صدقوني اللي بظلم حدا مستحيل يعيش حياته طبيعية رح ينظلم هو كمان سواء الي ظلم شب او بنت

#هديل_قاسم

الكلمات المفتاحية : #حب #خطوبة #زواج #هديل القاسم

Send this to a friend