تحديثات
بحث سريع
بحث سريع في الأخبار :

فيديو يعرض لاول مره .. هكذا اعدموا عبد الفتاح بهجت على الحدود

سقط الشباب وما سقطت الرسالة . سقط الأبطال وما سقط الهدف . كل واحد فينا راح يشوف الفيديو من منظورو...
Review: 5 - "فيديو يعرض لاول مره .. هكذا اعدموا عبد الفتاح بهجت على الحدود" by , written on 16-04-2018
سقط الشباب وما سقطت الرسالة . سقط الأبطال وما سقط الهدف . كل واحد فينا راح يشوف الفيديو من منظورو...
فيديو يعرض لاول مره .. هكذا اعدموا عبد الفتاح بهجت على الحدود  "/> ">
نبض الوطن
فيديو يعرض لاول مره .. هكذا اعدموا عبد الفتاح بهجت على الحدود

فيديو يعرض لاول مره .. هكذا اعدموا عبد الفتاح بهجت على الحدود

نبض الوطن :

سقط الشباب وما سقطت الرسالة . سقط الأبطال وما سقط الهدف .
كل واحد فينا راح يشوف الفيديو من منظورو الخاص .

ناس راح تحكي إنتحار . ناس تانية راح تحكي هبل ودون هدف . وناس راح تحكي كل هاد عشان ( إطار ) عجل سيارة . ناس راح تحكي هيات ومنظرة . وحكي كثير كثير .
هو ما كان بدو ينتحر . لو كان بدو ينتحر كان راح مشي على رجليه وهو واقف . كان راح من نفس الطريق إلي رجع منها . لكنو راح زحف مسافة طويلة حتى يخبي نفسو عن عيونهم وقناصتهم . دليل إنو محافظ على حياتو . وما راح هبل ودون هدف . لأ راح بطريقة عسكرية مدروسة وممنهجة .وحط قدام عنيه هدف وأصر يحققوا . وحقق هدفو . وكمان ما راح منظرة وهيات . لو كان هدفوا منظرة وهيات كان ترك الإطار وهرب من الرصاصة الأولى إلي انضربت عليه . والتانية والتالتة والرابعة وووو

أنا ما بعرف الشباب هادول حتى أمدحهم . لكن راح أحكي بصراحة أنا شو إلي شدني في الفيديو من نظرتي الخاصة . شو إلي شفتو بالضبط
الشب بكل شجاعة وإقدام رفض إنوا ينصاع لأوامرهم بتحديد 300 متر ممنوع تجاوزها . وتجاوز بصدرو العاري عالأقل 200 متر داخل حدهم إلي حددوه . اخترق أمنهم وترسانتهم العسكرية . وتحداهم بكل قوتهم وجبروتهم . تحدى دباباتهم وقناصتهم . تحدى قراراتهم . واثبتلهم إنو بصدرو العاري وتحت وابل رصاصهم إستطاع إنو يحقق هدفو . الهدف الكبير كان الفكرة . الفكرة وبس مش عجل السيارة . الفكرة إنو اثبتلهم إنو قادر يدخل ويخترق ويصل للي بدو إياه مهما كلف الثمن .

الشب الثاني إلي بالأسود . ضرب مثال قوي جدا للصديق الوفي . وما حب صاحبو يتصاوب أو يستشهد وفي النهاية يفشل في تحقيق هدفوا حتى النهاية . ضحى بروحو من أجل إنجاح فكرة صاحبو . ضحى بروحو من أجل كتابة آخر سطر في رسالة صاحبو .
ولو تعمقنا جيدا في تفاصيل الفيديو أكثر . راح تكتشفو إنو الجيش الإسرائيلي كان يطارد برصاصاتو حامل الإطار . يعني كان يحاول إفشال هدفهم .
ولكن فشل هو بكل قوته وما فشلوا هم بصدورهم العارية .

الحدث إلي قدامنا يا سادة كان رسالة عظيمة جدا . حملت بين سطورها كثير من معاني التحدي والصمود والإقدام والتضحية . الفيديو إلي قدامنا هو فخر لكل فلسطيني حر شريف .
الشباب هادول لو استشهدوا . ما بيقدر حد يحكي راحوا عالفاضي . لأ . الشباب هادول علمونا درس ودرس كثير قوي . إنو لما الفلسطيني يكونلو غاية وهدف . مستحيل يفكر بأي وسيلة تثنيه عن تحقيق غايتو وهدفوا .

احضروا الفيديو مرة وتنين وتلاتة . وفكروا بكل حرف أنا كتبتو .
وانتبهوا منيح لحجم وكمية الرصاص إلي انضربت عليه . دليل قهرهم وغلهم . لأنهم فهموا رسالتوا بكل حذافيرها . وفشلوا إنهم يفشلوها . غصب عنهم دخل في عشهم وحقق هدفوا وما اهتم للسعات دبابيرهم .
رحم الله الشهيد البطل الذي ضحى بروحه من أجل صديقه
الشهيد / عبد الفتاح بهجت عبد النبي
كل الإحترام والتقدير لهم بكل ما تحمل الكلمة من معنى .

Send this to a friend