تحديثات
بحث سريع
بحث سريع في الأخبار :

اليوم انا العروسة.. اول ما فتحت عيوني،حسيت بشي غريب!

اول ما فتحت عيوني،حسيت بشي غريب! خزاناتي فاضيين،أغراضي اللي متعودة عليهم مش موجودين صفنت بسقف غرفتي، يا الله قديش صفنت...
Review: 5 - "اليوم انا العروسة.. اول ما فتحت عيوني،حسيت بشي غريب!" by , written on 10-07-2018
اول ما فتحت عيوني،حسيت بشي غريب! خزاناتي فاضيين،أغراضي اللي متعودة عليهم مش موجودين صفنت بسقف غرفتي، يا الله قديش صفنت...
اليوم انا العروسة.. اول ما فتحت عيوني،حسيت بشي غريب!  "/> ">
نبض الوطن
نبض الوطن :

اول ما فتحت ،حسيت بشي غريب!

خزاناتي فاضيين،أغراضي اللي متعودة عليهم مش موجودين

صفنت بسقف غرفتي، يا الله قديش صفنت بهالسقف، صوت بياع الغاز اللي كل يوم بصحى مزعوجة منه لأول مرة بحبه
سمعت صوت قرقعة برا

امي بتنادي يلا خلينا نخلص قبل ما نطلع عالصالون
واختي بتحكي صحيهاااا لبنتك تساعدنا

وابوي بحكي خلوها نايمة ومرتاحة عرسها
ترجع اختي تحكي يعمي نيالها

سرحت ‘ورجعت ذاكرتي زمان كثير
لما كنا انا واختي نلعب بيت بيوت، ونمثل. دور ، كيف اكون وقتها مبسوطة وطايرة اني رح اطلع من البيت! بس اليوم في شعور غريب، حاسة اني رح اشتاق لكل شبر من هالبيت، اني رح افارق حياة بحبها كثير

رغم كل المشاكل اللي فيها، فجأة الباب اخوي الصغير
يلاااا تومي العبي معي –
احكي. قومي. ولا

لا توومي توومي
ابوي يجي ورا يحكيله ليشش صحيتها

يقرب اخوي الصغير علي ويخشطني بوجهي
هوووون عصب ابوووي وانا ضربته وقلتله روح من هون

قمت وقفت عالمراي اشوف التشويه اللي عملي يا
لقيته واقف وراي وبحكيلي بوجعك؟

ضحكت وحضنته وقلتله لا بوجعنيشش
طيب ما بدك تلعبي معي

يلا. هسا بلعب معك … طلعت لعبت مع اخوي شوي ، وبعدها رحت لقيت امي وخواتي قاعدات بالصالة وصافنات
اطلعت عليهن شو مالكن شو صاير ؟؟

حكتلي امي مطولة لتجهزي حالك لازم تروحي عالصالون …
واختي زورتني بنص عين أه طبعا ما هي ست الحسن والجمال عروسة اليوم !

نزلت دمعة من عيوني ، امي عصبت على اختي وحكتلي عيب عليكي ! شايفة كيف زعلتي اختك …
مسحت الدمعة وقلتلها لا… بس رح اشتاق لهالقعدة معكم .. رح ىاشتاق لزناخة راما …. ولهبل ريما … ولرمي الحكي منك يما …
كلهم صاروا يعيطو … لبست ورحت عالصالون .. .بعدها خلص العرس … فتت على بيتي الجديد ..

بأول دخلة للبيت … حسيت بشي غريب ، شعور الخوف والرهبة . الوحدة لأول مرة أنا بعيدة عن اهلي … دمعو عيوني .. اطلع فيي زوجي وقلي لا تخافي رح اكون مثل أهلك واكثر … قلتله بعرف بعرف .. بس في شغلات ما بتتعوض …

وقفت عالمراي ثاني يوم الصبح ، لسا الخشط بوجهي من اخوي الصغير ، تذكرت كيف كل مرة بصبح علي ، وكيف صوات اختي بكون طالع ، اتصلت على أمي أعيط ، واحكيلها اشتقتلكمممم

امي بلشت تحكييي شووو في … ضربك … زعلك … شو صاير |
لا يما بس اشتقتلكم والله اشتقتلكم ….
طبعا بعدها تعودت عبيتي وصرت احبه اكثر من بيت اهلي ,., ولما اروح عندهم احكيلهم وين القبلة ههههه

طلعة البنت من دار اهلها ما في أصعب منها ، هاد البيت الي عاشت في كل حياتها، التفاصيل والذكريات المحفورة بكل زاوية بغرفتها ، لهيك لما بدك تطلع بنت من دار ابوها ، كون عيلتها التانية ، كون الذكريات الحلوة الي رح تكون معك من يوم وطالع ، كون اشي حلو بحياتها مش تخربلها ياها بزيادة !

الكلمات المفتاحية : #العروسة #اليوم #عيوني

Send this to a friend