تحديثات
بحث سريع
بحث سريع في الأخبار :

كنت قاعدة في عيادة مستنية دوري ست كبيرة سألتني إنتي متجوزة ولا ..لما قولتلها لا صدمتنى

كنت قاعدة في عيادة مستنية دوري لقيت ست كبيرة مالت عليا وقالتلي انتي متجوزه ولا لاء ^_^ طبعاً انا قلت...
Review: 5 - "كنت قاعدة في عيادة مستنية دوري ست كبيرة سألتني إنتي متجوزة ولا ..لما قولتلها لا صدمتنى" by , written on 10-07-2018
كنت قاعدة في عيادة مستنية دوري لقيت ست كبيرة مالت عليا وقالتلي انتي متجوزه ولا لاء ^_^ طبعاً انا قلت...
كنت قاعدة في عيادة مستنية دوري ست كبيرة سألتني إنتي متجوزة ولا ..لما قولتلها لا صدمتنى  "/> ">
نبض الوطن
كنت قاعدة في عيادة مستنية دوري ست كبيرة سألتني إنتي متجوزة ولا ..لما قولتلها لا صدمتنى

كنت قاعدة في عيادة مستنية دوري ست كبيرة سألتني إنتي متجوزة ولا ..لما قولتلها لا صدمتنى

نبض الوطن :

كنت قاعدة في مستنية دوري لقيت ست كبيرة مالت عليا وقالتلي انتي متجوزه ولا لاء ^_^

طبعاً انا قلت في نفسي لازم بقى هاتقولي جملتين انها عندها عريس ، والرجالة اتعموا ولا ايه ..

بس لما قلتلها : لأ لسه متجوزتش

ردت عليا اغرب رد اسمعه من في الجيل ده قالتلي: أحسن !!
أنا رفعت حواجبي وضحكت وقولتلها ليه كده ياست الكل ^_^
ردت عليا وقالت لي: بصي يا بنتي، هاقولك نصيحة انا قولتها لبنتي و متقبلتهاش مني واديها بتعافر لوحدها من اختيارها !
شوية رجاله كده ما تتجوزيهمش ولو بورتي جنب والديكي العمر كله 🙂

– البخيل

– أبن امه اللى مالوش شخصيه

ـ راجل في حتة وحتة لأ يعني بيعمل راجل علي مراته وبرا لاء

– اللي ميتربطش من لسانه، يعني “اللي بيرجع في كلامه وبيسمع كلام اللي حواليه ومبيسمعش اهل بيته” .

– اللي مايخافش من ربنا ويخاف كلام الناس، ده خسيس وميتأمنلوش،

– اللي يهين امه بأيده “قصدها يضربها أو يقولها كلام جارح” .. ماهو هان اللي جابته وعملته هيصونك ازاي ؟!

– اللي جايبك يتباهى بيكي قدام الناس وانتي في الاساس وسام في الدولاب.

– الكذاب، اللي يقولك الكذب ابيض اعرفي انه تربيتة قايمة على خوف، واللي متربي على خوف مش هيعرف يربي الا باللي اتربى عليه، خافي على عيالك معاه👊😢

– السُكري، ودول احط نوعية للرجاله.

– اللي يخون، وعينه بجحة، ميتأمنلوش وديله نجس عمره مايتعدل

– اللي يشفط روحك منك، ويسيبك دبلانة

وبعدها قالت… كان نفسي بنتي تسمعلي قبل ما تقع في راجل سُكري بيبخل على بيته لانه ابن امه ومش قد كلمته لانه متربي على تربية خوف بتخليه يكذب عليها طول الوقت شفطها ودبلت منه، طفاها ربنا ينتقم منه !!

كان رد فعلي هو: وهي متطلقتش ليه لحد دلوقتي ؟
ردت: القلب يا بنتي، القلب بيذل الست.. لحد ما يجيبها في الارض

لو فى علاقة مع حد فيه الصفات دى او علي وشك الارتباط بيه خلاااص انهيها فورا واشترى عمرك وكرامتك وصحتك ودوسى ع قلبك لو روحك فيه

وجع ساعة ولا كل ساعة فى صفات وطباع ماينفعش تتعاشر ولا سبيل للأصلاح فيها مهما حاولتى

الكلمات المفتاحية : #سألتني #صدمتنى #عيادة #متجوزة