تحديثات
بحث سريع
بحث سريع في الأخبار :

تعرفت على مرام وانا سنة اولى جامعة، كنت انا تايهة بالكلية ….

واكتشفنا انه انا وياها بالجامعة الجديدة الي ما فيها كلية الاقتصاد ، قعدنا نضحك عهبلنا وتصاحبنا وحكتلها بيوم من الايام...
Review: 5 - "تعرفت على مرام وانا سنة اولى جامعة، كنت انا تايهة بالكلية …." by , written on 23-08-2018
واكتشفنا انه انا وياها بالجامعة الجديدة الي ما فيها كلية الاقتصاد ، قعدنا نضحك عهبلنا وتصاحبنا وحكتلها بيوم من الايام...
تعرفت على مرام وانا سنة اولى جامعة، كنت انا تايهة بالكلية ….  "/> ">
نبض الوطن
نبض الوطن :

واكتشفنا انه انا وياها بالجامعة الجديدة الي ما فيها كلية الاقتصاد ، قعدنا نضحك عهبلنا وتصاحبنا وحكتلها بيوم من الايام أنتِ أعز من اختي.

بتذكر بأول تعارفنا، كان في يومها مسابقة لأجمل صورة تعبيرية، انا كنت احب التصوير كتير، حكتلها بفكر اشارك …

ضحكت باستهزاء وحكتلي ولك هالمسابقات مبيوعين، وبعدين اكيد اسماء مصورين مشهورين رح يفوزو؛ بنفس الوقت اختي كانت تحكيلي ولك جربي ، بس ما رديت عليها

يومها اقتنعت وبطلت اشارك، ولما طلعوا النتائج انقهرت لانه فازت بنت سنة اولى بالجامعة وصورتي احلى من صورتها !

مرة ثانية انعرض علي انه اشتغل مصورة مع استديو بارت تايم، وانا كنت مبسوطة كتير عشان رح اشتغل الشي لي بحبه، وقفت قبالي وصارت تحكي ولك هبلة انتي بدهم يحرثو عليكي بعدين تصويرك مو حلو بلاش يحبطوكي….
انا يومها تضايقت حكتلها بس انتي احبطيني !

ضحكت بصوت عالي وحكتلي بلا هبل ….

بفترة كانت متضايقة من موضوع،تيجي عندي وتصير تعيط وتحكيلي مش عارفة شو اعمل اقعد اواسي فيها واحكيلها تهدا وكل شي رح ينحل، تتصل علي بنص الليل تبكي، كان يوم علينا امتحان، ضلت تحكي معي 4 ساعات عن نفس الموضوع، وبالاخر حكتلي عفكرة انتي مش صاحبة حقيقية ونكدت علي وما عرفت ادرس شي….. وثاني يوم بالامتحان رسبت ! وكانت واقفة وتضحك مع غيري …

بعد 3 سنين جامعة صار معي موقف؛ يومها الدكتور شاف صورة من تصويري وانبهر فيها وحكالي كتير حلو تصويرك شاركي بالمعرض السنة؛ صاحبتي صارت تحكي بصوت عالي لا تكبر راسها، ووصورها عاديين، نطت اختي كانت معي وحكت لا تصويرك كتير مميز، وانتي مبدعة وشاركي ….

شاركت وحصلت عالمرتبة الثالثة يا الله شو كنت فخورة بحالي ركضت لصاحبتي لقيت وجهها منكد وحكت مبروك بدون نفس، اطلعت حوالي لقيت نفس اختي الي دافعت عني مبسوطة لالي كتير…
اجت وشوشتني ديري بالك من الي عاملين حالهم صحابك وهم بحبطوكي ، وبعطوكي طاقة سلبية، هدول الي منكدين عيشتك وبس …

مفهمتش ايش حكت ، الا لما بعد ما خلصت جامعة انا توظفت عطول وهي ما توظفت، بطلت تحكي معي، وصارت بكل مكان تحكي اني بواسطة اشتغلت، وابصر كيف ، واول معرض للصور خاص فيني ونجاحه لقيتها عاملتلي بلوك من الفيسبوك ..

رجع شريط حياتي ، وصرت اتذكر كيف بكل مرة كانت تحبطني، كيف ولا مرة وقفت جنبي، كيف كانت تحاول تهبط من عزيمتي، وما عمرها ساندتني، اكتشفت بعد فترة طويلة انها سلبية بحياتي؛ واني كنت مخدوعة فيها؛ هي الوحيدة اختي الي كانت تحبلي للخير وتدعمني، هي الوحيدة الي انبسطت لنجاحي، ووقفت جنبي، صحيح بتقاتل انا واختي بس بعمرها ما اعطتني طاقة سلبية، بس صاحبتي ضرتني كتير، وندمت انه اعتبرتها متل اختي….

انتبهوا من الناس الي متل ، واعرفوا عيلتكم هي الوحيدة الي بتحبكم، ويمكن تلاقوا صديقة حقيقية تحبلكم الخيرر ، بس صحصحوا منيح لانه في كتير ناس حوالينا مخدوعين فيهم
ما في حدا بحبك بحبطك، او حتى بحاول يوصلك انك فاشل الي بحبك بدعمك عففشلك لتنجح ، وبوااسيك اذا فشلت

الكلمات المفتاحية : #الكلية #سنة اولى جامعة #مرام

Send this to a friend