تحديثات
بحث سريع
بحث سريع في الأخبار :

العروس سلام ابنة عائشة الرابي تودع أمها على طريقتها !!

كتبت سلام الرابي، ابنة الشهيدة عائشة الرابي من بديا والتي قتلت بحجر ألقي عليها من قبل مستوطن بالقرب من حاجز...
Review: 5 - "العروس سلام ابنة عائشة الرابي تودع أمها على طريقتها !!" by , written on 17-10-2018
كتبت سلام الرابي، ابنة الشهيدة عائشة الرابي من بديا والتي قتلت بحجر ألقي عليها من قبل مستوطن بالقرب من حاجز...
العروس سلام ابنة عائشة الرابي تودع أمها على طريقتها !!  "/> ">
نبض الوطن
نبض الوطن :

كتبت الرابي، الشهيدة من بديا والتي بحجر ألقي عليها من قبل مستوطن بالقرب من حاجز زعترة جنوب نابلس، عبر صفحتها على الفيسبوك رسالة تودع فيها والدتها:

“حجر المستوطنين لما صاب رأس أمي هو سرق إبتسامتها وسرق حياتها منها ، وأصاب أبوي وسرق روحو إمي منو و يتمنا ثم أعدم فرحتي . كنت رح اكون عروس وتزفني أمي عبيتي ،، صارت الحكاية انها هي الي صارت عروس وانا الي زفيتها ع قبرها ع الآخره ، عند احسن دار !

كنت اضل احكيلها بدي اعمل عرسي مهرجان واضل تحكيلي ان شاء الله بكون احلى مهرجان ،، والحمدلله طلع عرسها احلى من ايّ مهرجان !

الحمدلله حتى يبلغ الحمدُ منتهاه ,,,

طول عمرنا كنا بحاجة الك كل ما بدنا نعمل شي نلجئ ألك لما يصير معنا شي نيجي عندك لما ننبسط نيجي عندك كل صغيرة وكبيرة تكوني اول الناس معنا ،، وحتى بعد فراقك ضلينا احنا بحاجة الك بحاجة لتشفعيلنا ،، كنتي صديقة الدرب كنتي الاخت وكنتي الاروع دايما الام المثاليه،،

الأُم العظيمة ، كُنتي أم للجميع

عشتي معنا معززة مكرمة كان بابا معيشك انسانة عظيمة ف كنتي متميزة دايما بنعم الزوج ونعم الاولاد ،، الحمدلله كنتي مميزة بكل شي ، ف الحمدلله كل الرضا الي كنتي ماخذتيه من ابوكي وامك ومن ابونا ومنا كلنا ، ورضا الله
ف ربنا أكرمك بالشهادة ،

انتي فخر النا وفخر ل بديا و لفلسطين كلها ،،،

يا رب نكون مثلك ، الأم المثالية البنت المثالية والاخت المثالية والجارة المثالية وكل شي مثلك ومثل موتك كمان يا رب

يا رب يصبرنا على فراقك يا رب يا الله يعطينا الصبر على فرافقك يا رب يا رب”.

Send this to a friend