تحديثات
بحث سريع
بحث سريع في الأخبار :

“قصة مؤثرة” هاي الشرشوحة لاقت مين يحبها .. سوء الظن والتفكير سيء يتسبب فى فضيحة فتيات

صاحبتي سيرين متغيرة من فترة، ما بنعرف شو مالها، بس شكلها مصاحبة شب، بتضل كل شوي تقوم وتحكي تلفونات بصوت...
Review: 5 - "“قصة مؤثرة” هاي الشرشوحة لاقت مين يحبها .. سوء الظن والتفكير سيء يتسبب فى فضيحة فتيات" by , written on 16-12-2018
صاحبتي سيرين متغيرة من فترة، ما بنعرف شو مالها، بس شكلها مصاحبة شب، بتضل كل شوي تقوم وتحكي تلفونات بصوت...
"قصة مؤثرة" هاي الشرشوحة لاقت مين يحبها .. سوء الظن والتفكير سيء يتسبب فى فضيحة فتيات  "/> ">
نبض الوطن
"قصة مؤثرة" هاي الشرشوحة لاقت مين يحبها .. سوء الظن والتفكير سيء يتسبب فى فضيحة فتيات

“قصة مؤثرة” هاي الشرشوحة لاقت مين يحبها .. سوء الظن والتفكير سيء يتسبب فى فضيحة فتيات

نبض الوطن :

صاحبتي سيرين متغيرة من فترة، ما بنعرف شو مالها، بس شكلها مصاحبة شب، بتضل كل شوي تقوم وتحكي تلفونات بصوت واطي، غير هيك شكلهم بتقاتلوا كتير، لأنه صايرة كتير تبكي….
يومها كنت قاعدة مع صاحبتنا دينا، بحكيلها صح سيرين متغيرة !
حكت دينا اه شكلها بتحب..
انا ضحكت وحكتلها احساسي صح يعني !
دينا حكتلي يلا علينا شو قويات هههههه فاهمتها وهي عاملة حالها البريئة الشريفة وليل نهار تهدي علينا انه ما نحب …

بهالوقت اجت سيرين قعدت معنا، بنحكيلها شو سيرين كثرانة مكالماتك هالأيام !

ضحكت وحكت لا عادي …
احنا كلنا صرنا نطلع عبعض ونلمح انه فاهمينها ، بهالوقت قامت تحكي تلفون كمان مرة …
قعدت تحكي دينا يا الله هاي لاقت مين واحنا لهلئ مش لاقيين حدا يعبرنا
شو ناقصنا حلاوة واحلى منها … ولبس ارقى منها….
حكتلها حظ العفنة بالحفنة …
كان يومها تسليم وراق الامتحانات ، هاد الامتحان اجت سيرين تعيط وحكت انه ما قدرت تدرس علي منيح، وخايفة ترسب !

ثاني يوم رحنا عالجامعة، اجت دينا بتصرخ ولكنننن تعالن شفن ، حكتلها شو في …
بتقول سيرين واقفة مع حبيبها !
احنا كلنا رحنا نشوف ووقفنا نطلع عليها، ونحكي ولله مش قليلة وكمان بتوقف معه بلجامعة … بس انتبهت لالنا رتبكت ..
اجت لعنا بتحكي كيفكم بنات، بنحكيلها مناح، دينا حبت تقصف جبهتها ؟ بتحكيلها شو صاير الحب يزورك ، اه ولله حظ القبايح بالسما لايح …

سيرين قالتلها شو قصدك .. اطلعي عحالك
هون عصبت دينا عالاخر
بهالوقت رن تلفونها … راحت تحكي على جنب، طبعا بهالوقت صارت دينا تفضح بسيرين وتحكي قدام الكل انها بتحب شب وشافته بالجامعة، وانه لبسها كله من البالي طبعا هاد سر بينا كان …

صاروا البنات يتمسخروا ويضحكوا ، ويطلعوا حكي عليها، بهالوقت انا لحقتها لحتى اتسمع شو بتحكي، لقيتيها بتعيط وبتحكي، بس ما حدا بتحمل كل هالمشاكل، انا حاولت ادبر قسط الجامعة مو زابط معي، ومو معقول أجل فصل !
وتسكت وتعيط، طيب شو اعمل انا ، احكيلي يابا، طلبت من الكل بس ما حدا ساعدني….
اه اجا اليوم الشب عاساس يعطيني الدين لي علي ابو الك، اعطاني 100 دينار وقلي هدول لي مع ابوي….

فجأة سكرت التلفون وصارت تعيط، انا هون نصدمت معرفتش شو احكي، رحت وقفت عندها، بحكيلها اسفة !
بتحكيلي عشو؟
بحكيلها انا اسأت الظن فيكي، انا جد اسفة ….
بس هي ما كانت واعية عشي صارت تعيط وتحكيلي انا تعبت من الحياة، مش لاقية قسط جامعتي صرت مأجلة الفصل 3 مرات، ولله بضل ليل نهار ادرس بلكي طلعتلي منحة وكل امتحان بصير معي ظرف اسوء من الثاني

غير انه اخوي الصغير لي ولدته امي مريض وبلمستشفى واحتمال يموت ، وكل شي فوق راسي يا ريتني اموت!

انا سكتت، رجعت لقيت كل البنات بسيرتها؛ وبتمسخرن عليها، وبس فاتت ، حكتلها بنت من أي بالي جبتي لبستك وفقعتها ضحكة سمعتها كل الجامعة ….

حسيت الزمن توقف بهديك اللحظة، حكيت بسسسس! خلص بكفي مسخرة عالناس ، اتركنها بحالها ….
بعدها كتير شغلات تغيرت بحياتنا، الشلة كلها تفكفت ، ودينا صار معها طلعها ابوها من الجامعة،وانا حياتي صارت مليانة مشاكل، …. وكل مرة بصير معنا نتذكر البنت الي ظلمناها … ونحكي يا ربي سامحنا ….

قديش في ناس بحياتتها الف قصة والف وجع وبتحاول تخبي،واحنا بدل ما نساعدهم ونحسن الظن فيهم بنصير نسيئ لالهم ونظلمهم، ونسينا انه ربنا ما بنسى حدا، والي بفضح حدا ربنا رح يردلوا ياها ويا ما اصعب الظلم

القصة خيالية طبعا ، بس لو فكرنا انه ممكن كل تفكير سيء بنظنوا بغيرنا رح يرجعلنا كان دائما صفينا النية، وحتى لو شفنا شي غلط المفروض نستر عليهم !

إن بعض الظن إثم …

Send this to a friend