قصة حبي انا واحمد أغرب قصة بالكون واثبتتلي انه الحب يصنع المعجزات

قصة حبي انا واحمد أغرب قصة بالكون واثبتتلي انه الحب يصنع المعجزات

انا واحمد أغرب قصة بالكون واثبتتلي انه يصنع

نولدت بتشوه خلقي
كان عندي عدم اكتمال الاطراف بإيدي !!
وهالشي عمل عندي عقدة بكل مراحل حياتي
بطفولتي وبأول مرة دخلت التمهيدي والبنات هربوا مني، لما دخلت المدرسة والبنات بالبداية كانوا يبعدوا عني وما يتعاملوا معي، والأسماء اللي كانوا بنادوني فيها، بس مرة صار عندي انهيار عصبي من الموضوع، وقررت أركب طرف اصطناعي !!!

ركبته وصار شكلي طبيعي بين الناس، وتقريبا كانت فرحتي مش واسعة الدنيا، بقدر اروح عالجامعة وما حدا يطلع نظرات غريبة علي، وبقدر أمشي مع بنات مثلي مثلهم بدون ما يخافو من منظري

بس كل شي تغير….
لما التقيت ب أحمد
كان زميلي بالدراسة بس هو اكبر مني ب٣ سنين ، وتقريبا طول السنة الأولى واحنا مع بعض بمحاضرة الحاسوب ، آخر الفصل صرنا انا ويا نحكي أكثر مع بعض، وهو لمحلي إنه معجب فيي !!!
انا وقتها نبسطت كثير،انه اول مرة بالحياة شب يعجب فيي، الشعور كان غريب ومخيف الي بنفس الوقت…

بس تذكرت ايدي اليمين وكيف إنها مش كاملة وهالشي طرف اصطناعي وبس

بعدت عنه بدون ما احكيله ليش، صديته وقلتله مافي أمل من هالعلاقة ف ما نبلش احسن

كنت جواتي عم بموت، بدي احكيله انه عندي تشوه خلقي، وخايفة يكمل معي شفقة علي واحتراما لمشاعري، لهيك نهيت القصة من قبل ما تبلش

دخلت بمود سيء كثير، صرت عصبية واتفشش بكلشي ، ووين ما اشوفه أغير الطريق او المكان

كان عندي صديقة قريبة كثير، وبتعرف قصتي مع ، اجت وقعدت معي وحكتلي
ليش بتحرمي حالك من الحب والشعور الحلو
صرت أعيط واحكيلها ما انتي بتعرفي !!!
هو اول ما يشوف شكل ايدي الحقيقي رح يتركني

هو مش عارف انه عندي مشكلة
قالتلي كلمة ضلت براسي: صدقيني لو يحبك رح يكون هو طرفك الصناعي، اوثقي بحالك

حضنتها وصرت أعيط، مرقت الأيام وصار في مشروع بيني وبين احمد كونه هو رح يتخرج وانا لساتني سنة اولى ، واضطرينا نتعامل مع بعض كثير، بيوم كنت تعبانة ومنهارة ومش قادرة اشتغل شي عالمشروع، حكيت معه ، قلتله بتعرف انه انا عندي تشوه خلقي، بتعرف انه ما الي ايد يمين، هو سكت وتوقعت هالشي طبعا !!!
تاني يوم رحت عالجامعة، لقيته محضرلي دفتر ، سألته إيش هاد
قلي اوعديني تفتحي بالليل… وبس تكوني لحالك
فعلا روحت عالبيت وكان عندي فضول اشوف شو في بالدفتر
لقيت اسماء اشخاص معروفين كثير، طه حسين، هيلن كلير، اديسون، ابو علاء المعري، الرافعي

كان مكتوب انجازاتهم بس في شغلة مفقودة ، ما فهمتها؟
رنتله حكتله شو بتقصد؟
قلي انا مآمن إنك رح تصيري نثلهم
انا نصدمت وحكتله ليش اعطيتني هالدفتر
قلي: كلهم عندهم اعاقة وعانوا بحياتهم، بس شوفي انجازاتهم ونجاحاتهم ! كل واحد فيهم قدر يعطي اكثر من اللي نحرم منه ، وما تخلى عن حلمه ….

بعد فترةًاحمد سافر ليشتغل ضليت عتواصل معه، خلال هالفترة قررت اتخلى عن الطرف الاصطناعي لأدعم الناس اللي بعانو من هالتشوهات مثلي وخاصة إني كنت من المتفوقين بجامعتي، كان أحمد جنبي بكل خطوة لحد ما تخرجت ، كان يدعمني ويحكيلي لا تستحي من ايدك ، خليهم يشوفو نجاحك وبس

كتير شغلات تغيرت بحياتي، وبس رجع أحمد عالبلد تقدملي، بدون ما افكر حكيت آه وتذكرت كلمة صاحبتي اذا حببك رح يكون طرفك الصناعي
فعلا صرلنا سنتين متزوجين، ما حسيت فيهم بالنقص ابدا، عايشيين ومبسوطين ، وقدرنا انا ويا ننجح شركتنا الصغيرة ونشتغل ونساعد الناس كمان، وصار عندي ثقةبنفسي أكبر وما استحي من اعاقتي

تزوجي إللي لو شو ما صار معك يضل جنبك، تزوجي إللي بكملك في ضعفك ووجعك وتعبك ومرضك، إللي بحسسك إنك ما فيكي ولا عيب ولو ناصحة او ضعيفة او مش حلوة بنظر مجتمعك، تزوجي عشان تكملي حياتك فخورة بحالك مع شريك فخور فيكي وفخورة فيه، وقد ما كان بالشخص عيوب، اذا شخص واحد شافه كامل وقتها رح يحس بالثقة وانه ما في ولا عيب

Send this to a friend